Maine apni life ki first cigarette kaise try kari?

Hello doston,

Apne pichle post mein maine ye share kiya ki maine apni life ki pehli alcohol 12th class mein try kari thi.

Ab iska agla step generally cigarette pina hota hai.

Par mere badmaash dost nahi the jo ki cigarette pite hone aur dusron ko bhi cigarette pine ke liye provoke karte hon.

Mera ek school friend tha jisne 8th class se cigarette pina shuru kar diya tha and wo mujhe kaafi badmaash lagta tha.

Uske 10th mein 60% marks aye the, aur usne 80% marks wali ek fake marksheet bana kar apne ghar mein dikhayi thi.

Jab aap track se bhatakte ho, to phir dheere dheere karke sab cheezen normal lagne lagti hain.

Cigarette ka mujhe samajh aa gaya tha ki wo bahot hi zyada addictive hoti hai, and uski dependency bahot easily ban jati hai, isiliye jab main apne college classmates ke sath ek trip par gaya tha nainital, to maine mind make up kar rakha tha ki main alcohol to consume kar loonga, lekin cigarette try nahi karunga.

Wahan par 1-2 logon ne mujhe cigarette offer kari thi, but maine decline kar diya.

Wo log mere koi khaas friends nahi the, to unhone zyada force bhi nahi kiya.

Phir uske 2-3 mahine bad, maine how i met your mother ka last cigarette ever wala episode dekha and usse main thoda influence ho gaya.

Ek din college se wapis aate hue maine 10 rs ki ek chhoti gold flake cigarette khareedi aur use bag mein daal kar ghar le aya.

Phir raat ko main use jalaya aur smoke kiya.

Honestly bataun, to bahot maza aaya tha.

Itna maza aaya, ki main darr gaya and maine half cigarette bujha.

Phir jake main apne bed par leta aur nashe ko enjoy kiya.

Jab nasha khatam hua in 5-10 minutes, to maine baki bachi hui cigarette bhi pi li and it was a pleasure-some experience.

Mujhe aaj bhi vividly yaad hai ki us moment mein main soch raha tha ki yaar main to easily cigarette ka addict ban sakta hoon.

Ye baat maine kisi ko nahi batai, and obviously wo meri life ki last cigarette nahi thi.

Uske bad maine kuch occasions par khud bhi cigarette pi aur apne friends ko bhi pilayi. Mujhe marlboro lights sab mast lagti thi us samay.

Phir jab maine job start kari, to unfortunately mujhe ek friend mila jiska naam tha raghib, and uske sath maine lunch ke bad regularly cigarette pina shuru kar diya.

And that is how I became a cigarette addict.

Is baat ko almost 9 years ho gaye hain and ab main daily smoke nahi karta, but haan occasionally, I do enjoy a smoke.

I know it is a bad habit and it can kill me also and society bhi smoking ko accept nahi karti.

But mera thought ye hai ki baba, society ke liye nahi jeena ka, apne liye jeene ka.

Log kya sochte hain, usse mujhe zara bhi farak nahi padta and cigarette kaafi hadd tak ek F U message ki tarah kaam karta hoon society ke liye.

Main jaanta hoon ki jab log mujhe smoke karte hue dekhte hain, to woh mujhe judge karte hain. And I still keep smoking because unke judgement se mujhe zara bhi farak nahi padta hai.

Ye meri life hai baba, mujhe adhikar hai apne decision khud lene ka, chahe wo mere liye beneficial hon, ya phir harmful!